Si të menaxhojmë kohën para ekranit për fëmijët tanë?
Gjatë gjithë eksperiencës sime nuk kam pasur një prind të më vi dhe të më thotë se është i shqetësuar për kohës së pakët që fëmija shpenzon para ekranit. Pothuajse çdo prind me të cilët flas më ankohet se fëmijët kalojnë shumë kohë përpara ekranit dhe shendohet në një luftë të përditshme. Ngjason me familjen tënde?
Prindërit sot përballen me sfida të reja të cilat gjeneratat e vjetra nuk i është dashur të përballojnë. Ju nuk jeni rritur me këtë problem, nuk ka ndonjë eksperiencë të mëparshme dhe teknologjia ecën me hapa të cilat rrallë arrijmë ti kapim.
I keni dhënë fëmijës ekrane të pafundme prandaj ai është i përgatitur për të ardhmen por të njëjtat ekrane po e vështirësojnë kohën e shpenzuar me familjen. Ata kohë që ti ke imagjinuar gjithmonë.
A duhet ti harroni ëndrrat sepse erdhi interneti?
Teknologjia ka pasur një impakt tepër të madh në gjitha aspektet e jetës sonë, nga shkolla te puna dhe te familja. Por në fund të ditës ti dëshiron vetëm një darkë të qetë me familjen pa u zënë mbi pajisjet e ndezura që i kanë marrë mendjen të gjithëve. Si mund ta bësh këtë?
Ja 8 këshilla për tu mbajtur mënd:
1. Fëmijët ju vëzhgojnë gjatë gjithë kohës.
Limitoje kohën që shpenzoni në internet kur jeni pranë fëmijës. Është e lehtë të mendoni ‘’do shoh vetëm pak facebookun’’ por kur ti ngre kokën kupton që 30 minuta kanë fluturuar.
Ji i ndërgjegjshëm dheule telefonin dhe mbaj kontakt me sy me fëmijën kur i flisni. Duke e bërë këtë ju i tregoni se ata janë të rëndësishëm për ju, më shumë se ekrani.
2. Ekranet mund të ndalojnë sjellje të padëshirueshme por e mësojnë të gjejnë zgjidhjen gabim.
Fëmijët e vegjël kanë ndjenja të shprehura si vullkan. Ndihmoje fëmijën të menaxhoj shprehjen e ndjenjave duke qëndruar e qetë dhe duke i njohur këto ndjenja. Teknologjia nuk do të japë kurrë dashurinë dhe mirëkuptimin që ju doni.
3. Nëse ju punoni online ndihmojini fëmijët të kuptojnë kur do jeni i lirë.
Po, ka një liri që vjen me punën nga shtëpia por aspekti negativ është se fëmijët nuk arrijnë të bëjnë dallimin mes një prind që punon në shtëpi dhe një prind që shkon në punë. Ju duhet t’ia bëni të qartë se kur ju filloni të punoni dhe kur do bëni pak pushim për të lozur me ta.
4. Vendos limite të qarta për kohën në ekran
Krijo orare të qarta ku nuk do përdoret fare ekrani. Krijo atmosferën e duhur :
-Mos lejo celular kur jeni duke ngrënë diçka bashkë.
-Kur jeni duke ngrënë mos u përgjigjuni telefonatave.
-Mos hapni TV si shoqërues i një aktiviteti tjetër.
Ky rregull duhet të jetë për të gjithë pjesëtaret e familjes përfshirë dhe prindërit. Është shumë e lehtë të vendosësh rregulla dhe të fillosh ti respektosh nga vetja për të dhënë shembullin e duhur për fëmijët.
5. Në dhomën e gjumit nuk duhet të ketë ekrane
Gjumi i fëmijëve tuaj dhe i juaji është tepër i rëndësishëm për shëndetin fizik dhe mendoj. Ekrani shqetëson gjumin.
Çelësi për të pasur fëmijë të suksesshëm…Prindër të vëmëndshëm!
Çelësi për të pasur fëmijë të suksesshëm Një fëmijë i vogël që përdor fjalë të mëdha apo një gjeni i cili po hynë në…
6. Ji një prind i përfshirë
Ki limite mbi kohën që fëmija duhet të kaloj i ekspozuar pranë medias dhe teknologjisë.
7. Përdor median me fëmijën tënd
Vetëm duke i lexuar online , ju mund të diskutoni me fëmijën tuaj për ta ndihmuar të mësoj duke e përdorur median por jo duke e lejuar që media të kontrolloj kohën tuaj.
8. Fëmijët e vegjël mësojnë më shumë nga bota reale.
Përpiquni ti mundësoni lojëra në natyrë dhe me ndërveprim për fëmijët tuaj. Fëmijët mësojnë duke i prekur gjërat vetë prandaj harrojini ekranet.
Detyra jonë si prind është të japim modelin e të qënit i përgjegjshëm dhe me teknologjinë duke e përdorur atë në të mirën tonë. Mos harro se më shumë rëndësi ka ajo që bëni sesa ajo që thoni!
Çfarë duhet bërë që bebi të dojë librat dhe leximin që në lindje
Bebi, Librat, Leximi Unë jam Valer Pinderi dhe nuk jam ekspert në fushën e fëmijëve por një prind i cili po ndan me ju…
