Kur zbuluam se kisha ngelur shtatzënë me fëmijën tonë të dytë, djali ishte vetëm 10 muajsh dhe ne nuk e kishim idenë se si do reagonte me një bebe në shtëpi. Ai do të ishte 18 muajsh kur bebi të lindte dhe kishim merak se nuk do të ishte gati për rolin e tij të ri. Kështu filluam ta përgatisnim përpara lindjes së motrës së tij në mënyrë që kur të vinte momenti i shumë pritur ai do të kishte mundësinë të ishte një vëlla i mrekullueshëm, të cilin sot është.
Më është dashur ta bëj dy herë këtë përgatitje së pari me djalin dhe më pas me vajzën dhe të dyja herët ka shkuar për mrekulli. Djali ishte 18 muajsh kur lindi motra dhe e motra ishte 2 vjeç e ½ kur erdhi vëllai tjetër në jetë prandaj mund të them se të dyja herët kishin kushte të ndryshme. Shumë persona më kanë pyetur si e përgatit një fëmijë për ardhjen në jetë të fëmijës tjetër dhe unë vendosa ti shkruaj këshillat e mia në mënyrë që t’ju vija në ndihmë sa më shumë prindërve që kanë nevojë për to.
- Bisedo për bebin që do vijë.
Bisedo pafund mbi gjërat që do ndryshojnë me ardhjen në jetë të bebit, dhe sesi fëmija mund të ju ndihmoj duke ju sjellë biberonin, batanijen, lodrën etj. Rikujtoj ata se bebi do të lind në spital dhe kur të vi në shtëpi do jetoj me ju. Bisedo mbi dashurinë që do i dhuroni bebit pa anashkaluar dashurinë që nuk ndryshon për ta. Familjarizoj me të pasurin një bebe dhe si gjërat do të ndryshojnë në shtëpi.
- Tregoji barkun.
E mbaj mënd mirë hërën e parë që i tregova barkun që më rritjej vajzës ajo ishte e manhitur. Biseduam mbi vëllain që po vinte dhe që ndodhej në barkun tim duke u rritur, por tek shihte barkun çdo gjë u bë më interesante për të. Kjo është një këshillë për fëmijë më të rritur se p.sh me djalin tim 10 muajsh barku nuk ishte aq interesant.
- Leri të ndjej lëvizjet e bebit në bark.
Sapo të jeni në fazën ku ndjeni goditjet e bebit nga jashtë lejojini fëmijës ti ndjej gjithashtu duke e vendosur dorën te barku të shikojë lëvizjet e bebit. Kjo mund të kërkoj pak durim nga ana e tyre por fëmijët e duan shumë këtë gjë. Është një metodë argëtuese për ta bërë sa më reale atë që ju po i thoni mbi bebin.
- Lëri të përzgjedhin veshje dhe lodra të reja për bebin.
Fëmijët e mi argëtoheshin duke përzgjedhur veshje speciale dhe lodra për bebin. Djali zgjodhi një arush rozë për motrën që po vinte dhe e solli në spital. Unë i lejoja fëmijët të zgjidhnin në mënyrë që të ishin më entuziast për lindjen e bebit.
- Lexoji libra mbi rolin e tyre të ri.
Ti lexosh fëmijës libra mbi rolin e tyre të ri i ndihmon dhe i argëton. Sot ka pafund libra që i tregon mbi atë që do ndodh në ‘’gjuhën e tyre’’ si p.sh libri ‘’Unë jam një vëlla i madh” dhe “Unë jam një motër e madhe”, apo “Bebi po vjen”.
- Tregoji foto kur ata ishin një bebe.
Një tjetër gjë që ndihmoi fëmijët e mi të përgatiteshin për ardhjen e bebes ishte ti tregoje foto të kohës kur ata ishin bebe. Ne bisedonim sesi të gjithë në fillim janë të vegjel dhe si rriten. Pale ti tregosh foto kur ju ishit bebe do çuditen pafund!
- Dhuroi një lodër apo kukull për tu kujdesur për të.
Duke i ofruar një lodër apo kukull për tu kujdesur ku i tregoni si ti vendosni një pampers, ta ushqeni apo ta vishni është një metodë shumë e mirë që ata të kuptojnë gjërat e reja që duhet të bëjë mami dhe babi për bebet.
- Kur jeni duke shkuar në vende të ndryshme tregoji bebet.
Vajza jonë nuk kishte qënë në prani të shumë bebeve përpara se vëllai i saj të vinte në jetë. Sa herë që ne dilnim qoft për pazar apo shëtitje në park unë i tregoja bebet dhe i thoja me entuziazëm ‘’e shikon bebin, dhe ne do kemi një së shpetji’’ për ta ndihmuar të kuptoj se çfarë e pret.
- Nëse ke miq me bebe ftojini në shtëpi gjatë kohës që fëmija juaj është zgjuar.
Mund të bisedosh pafund për bebe por është shumë ndryshe kur e kanë rreth vetës. Mund ta prezantoni fëmijëne me bebin e mikeshës tregoji si të jenë të kujdesshëm rreth tyre. Tregoji që ju nuk i fusni gishtat në sy apo dorën në gojën tuaj. Nëse bebi qan tregoji pse qan.
Ju premtoj që është pak e frikshme dhe plot stres por do të manhiteni me marrëdhënien që krijojnë dhe si shëndrohen në shokë të ngushtë të njëri tjetrit.
